سڈنی حملے میں ملوث دہشت گرد کا تعلق بھارت سے نکل آیا، نوید اکرم کے ساتھی کا دعویٰ
ملزمان کا تعلق بھارت اور نوید اکرم کا تعلق اٹلی سے ہے ، مقامی شہری
آسٹریلوی شہر سڈنی میں فائرنگ کے ذریعے 16 افراد کو ہلاک اور متعدد کو زخمی کرنے والا شخص بھارتی نکل آیا۔
پاکستان پر الزامات عائد کرنے والے بھارت خود ملوث نکلا،سڈنی حملے کےملزمان کا تعلق بھارت سے ہے، نوید اکرم کے ساتھی نےتصدیق کردی،آسٹریلوی میڈیا سےگفتگو میں مقامی شہری نے بتایاکہ ملزمان کا تعلق بھارت اور نوید اکرم کی والدہ کا تعلق اٹلی سے ہے۔
تازہ انکشافات کے بعد بھارت کی پریشانی اور جھوٹ سمجھ میں آگیا۔
بھارتی میڈیا نے سوشل میڈیا پرجھوٹی تصاویر پھیلائیں اور پاکستان کو بدنام کرنے کی مذموم اور منظم سازش کی۔
سڈنی میں پیش آنے والے سانحے کو سیاسی اور پروپیگنڈا جنگ میں تبدیل کرنا ہر صورت میں قابل مذمت ہے، سوشل میڈیا پر وائرل ویڈیوز اور جھوٹے الزامات انسانیت کے دشمن ہیں اور پاکستان کو نشانہ بنانے کی منظم سازش نے حقیقی انسانی کہانی کو نظرانداز کیا۔
سڈنی واقعے میں مسلمان ہیرو احمد العہمد نے دکھایا کہ بہادری اور انسانیت میں مذہب یا نسل کی کوئی حدود نہیں، دہشت گردی کا تعلق کسی قوم یا مذہب سے نہیں، اس لیے سچائی پر مبنی رپورٹنگ اور انسانی ہمدردی اہم ہے۔ دہشت گردی انسانیت کی دشمن ہے، کسی قوم یا نسل سے جوڑنا انتہائی غیر ذمہ دارانہ اقدام ہے، واقعہ ایک فرد کا جرم تھا لیکن پوری قوم کو بدنام کرنا نفرت انگیزی ہے، پاکستان کو نشانہ بنانے کا مقصد انتہا پسندی، متاثرین کی مدد اور مسلمانوں کی پرامن شناخت سے توجہ ہٹانا ہے۔ خیال رہے کہ آسٹریلیا کے شہر سڈنی کے بونڈی بیچ پرمسلح افراد نے فائرنگ کرکے 12 افراد کو ہلاک کردیا تھا اور متعدد شہری زخمی ہوگئے۔
