سپریم کورٹ نے قاسم سوری کی رکنیت بحال کو بحال کر دیا

اسلام آباد (نیوز پلس) سپریم کورٹ نے بلوچستان سے منتخب ہونے والے قاسم سوری کی رکنیت بحال کرتے ہوئے الیکشن کمیشن کا نوٹی فیکشن بھی معطل کر دیا۔ جسٹس عمر عطا بندیال، جسٹس فیصل عرب اور جسٹس اعجاز الاحسن نے کیس کی سماعت کی۔ قاسم سوری کی جانب سے نعیم بخاری ایڈووکیٹ نے دلائل دیتے ہوئے کہا کہ عدالت قرار دے چکی کہ غیر تصدیق شدہ ووٹ جعلی نہیں ہوتے اور اس کی سزا جیتنے والے کو نہیں مل سکتی، ٹھوس شواہد کے بغیر الزام عائد کرنا درست نہیں۔ جسٹس فیصل عرب نے ریمارکس دیئے کہ غیر تصدیق شدہ ووٹ قاسم سوری کے کیسے ہو سکتے ہیں۔فیصلے کے بعد سپریم کورٹ کے باہر میڈیا سے گفتگو کرتے ہوئے وفاقی وزیر علی محمد کا کہنا تھا کہ فیصلہ بلوچستان، حلقہ اور قاسم سوری کے لیے باعث عزت ہے۔ واضح رہے الیکشن کمیشن نے ٹریبونل کے فیصلے کی روشنی میں 2 اکتوبر کو قاسم سوری کی رکنیت ختم کی تھی۔