سلامتی کونسل کی جعفر ایکسپریس حملے کی شدید مذمت
اقوام متحدہ کی سلامتی کونسل نے بلوچستان میں جعفرایکسپریس مسافر ٹرین پر دہشت گتدوں حملے کے اور مسافروں کو یرغمال بنانے کی شدید الفاظ میں مذمت کرتے ہوئے کہا کہ کہ تمام رکن ممالک دکھ کی اس گھڑی میں پاکستان کی عوام کے ساتھ ہمدردی کا اظہار کرتے ہیں۔
سلامتی کونسل نے جعفرایکسپریس مسافر ٹرین پر قابل مذمت حملے میں ملوث تما افراد، منتظمین، سہولت کار اور مالی معاونت کرنے والوں کو انصاف کے کٹہرے میں لانے کی ضرورت پر زور دیا۔
اقوام متحدہ کی سلامتی کونسل نے تمام ممالک پر زور دیا کہ وہ بین الاقوامی قانون اوت متلعقہ سییکیورٹی کونسل کی قردادوں کے مطابق پاکستان کے ساتھ فعال طور پر تعاون کریں۔
سیکیورٹی کونسل کے ارکان نے دوٹوک انداز میں کہا کہ دہشت گردی کے ایسے ہولناک واقعات کا کوئی جواز بھی قابل قبول نہیں ہے۔ چاہے ان کے پیچھے جو بھی محرکات ہوں، جہاں بھی، جب بھی اور کسی بھی شخص کے ذریعے کیے گئے ہوں۔
اقوام متحدہ کی سلامتی کونسل نے تمام ممالک پر زور دیا کہ وہ تمام ذرائع بشمول اقوام متحدہ کے چارٹر، بین الاقوامی انسانی حقوق کے قانون، بین الاقوامی پناہ گزینی کے قانون اور بین الاقوامی قوانین کا استعمال کرتے ہوئے دہشت گردی کے خطرات کا مقابلہ کریں۔
بیان میں سیکیورٹی کونسل کے ارکان نے اس عزم کا اعادہ کیا کہ دہشت گردی اپنے تمام رویوں اور مظاہر میں عالمی امن اور سلامتی کے لئے ایک سیگین ترین خطرہ ہے ۔
