رانا ثنا اللہ کا نام ای سی ایل میں ڈال دیا گیا

اسلام آباد(نیوز پلس) صد پنجاب پی ایم ایل (ن) سابق وزیر قانون پنجاب رانا ثناء اللہ سمیت سابق وفاقی وزیر سینیٹر وقار احمد خان کا نام ایگزٹ کنٹرول لسٹ (ای سی ایل) میں ڈال دیا گیا ہے۔ممبر قومی اسمبلی رانا ثناء اللہ کا نام ای سی ایل میں ڈالنے کے حوالہ سے وفاقی کابینہ نے سفارش سرکولیشن سمری کے ذریعے منظور کی۔ نیب کی جانب سے رانا ثنااللہ کا نام ای سی ایل میں ڈالنے کے لئے وزارت داخلہ کو خط لکھا گیا تھا جس کے بعد معاملہ وفاقی کابینہ کی ذیلی کمیٹی کو بھجوایا گیا اور ذیلی کمیٹی کی منظوری کے معاملہ وفاقی کابینہ کو منظوری کے لئے بھجوایا گیا اور وفاقی کابینہ نے سرکولیشن سمری کے زریعہ رانا ثنا اللہ کا نام ای سی ایل میں ڈالنے کا فیصلہ کیا ہے۔ وفاقی کابینہ نے سابق وفاقی وزیر سینیٹر وقار احمد خان کا نام بھی ای سی ایل میں شامل کرنے کی منظوری دے دی ہے۔