بنوں میں فتنہ الخوارج کے حملے کے شہداء کی نماز جنازہ ادا
کور کمانڈر سیمت حکام کی شرکت
بنوں میں فتنہ الخوارج کے حملے کے شہداء کی نماز جنازہ ادا کر دی گئی۔
پاک فوج کے شعبہ تعلقات عامہ آئی ایس پی آر کے مطابق شہداء کی نماز جنازہ بنوں گیریژن میں ادا کی گئی۔
نماز جنازہ میں کور کمانڈر پشاور، عسکری حکام، سول انتظامیہ اور فوجی جوانوں نے شرکت کی۔
آئی ایس پی آر کے مطابق صوبیدار عمران احمد فاروقی شہید، حوالدار محمد جاوید اقبال شہید، نائیک طہماس احمد شہید، نائیک باسط فرید شہید اور سپاہی صفدر علی شہید کی نماز جنازہ ادا کی گئی۔
سپاہی اسد بشیر شہید، اعجاز حسین شہید اور عاطف خان شہید، سپاہی امان اللّٰہ شہید، شاہ زمان شہید، حسیب اللّٰہ شہید اور سپاہی عثمان اللّٰہ شہید کی نماز جنازہ ادا کر دی گئی۔
پاک فوج کے شعبہ تعلقات عامہ کے مطابق دفاع وطن میں ہمارے شہدا کی یہ عظیم قربانیاں ہمارے جذبے اور عزم کو تقویت دیتی ہیں۔
آئی ایس پی آر کا کہنا ہے کہ پاکستان کی مسلح افواج قوم کی غیر متزلزل حمایت سے دہشت گردی کے ناسور کا مکمل خاتمہ کرنے کیلئے پُرعزم ہیں۔
