انشورنس کمپنیاں اپنے امور کار بر وقت ٹھیک کر لیں۔چیئرمین ایف بی آ ر شبر زیدی

اسلام آباد(نیوز پلس) فیڈرل بورڈ آف ریونیو کے چیئرمین سید شبر زیدی کا کہنا تھا کہ بعض انشورنس کمپنیاں افغان ٹرانزٹ کی مصنوعات کی گارنٹیز کے لیے درست کام نہیں کر رہی ہیں، کمپنیاں اپنے سسٹم کو فوری ٹھیک کریں۔چیئرمین ایف بی آر شبر زیدی نے افغان ٹرانزٹ ٹریڈ میں انشورنس گارنٹیز کے سلسلے میں سماجی رابطے کی ویب سائیٹ پر ٹویٹ کرتے ہوئے کہا کہ انشورنس کمپنیوں کا اس مد میں فیس اور دیگر امور کے معاملات مناسب نہیں ہیں۔سید شبر زیدی نے کہا کہ ایف بی آر کے مشاہدے میں ان مسائل کی نشان دہی ہوئی ہے، انہوں نے متنبہ کیا کہ ایسی انشورنس کمپنیاں اپنے امور کار بر وقت ٹھیک کر لیں۔چیئرمین ایف بی آ ر شبر زیدی نے مزید کہا بعض انشورنس کمپنیاں گارنٹیوں کے سلسلے میں ضروری شرائط اور فیس کے لیے طے شدہ ضابطے پر صحیح طریقے سے عمل نہیں کر رہی ہیں، جس پر انھیں متنبہ کیا جا رہا ہے۔