اقلیتوں کے حقوق کا تحفظ پاکستان کے نظریے کی بنیاد ہے، فیلڈ مارشل سید عاصم منیر
فیلڈ مارشل سید عاصم منیر کی کرائسٹ چرچ میں کرسمس کی تقریبات میں شرکت
راولپنڈی: چیف آف ڈیفنس سٹاف و آرمی چیف فیلڈ مارشل سید عاصم منیر نے کرائسٹ چرچ میں کرسمس کی تقریبات میں شرکت کرتے ہوئے مسیحی برادری کو دلی مبارکباد دی۔
راولپنڈی: پاک فوج کے شعئبہ تعلقات عامہ (آئی ایس پی آر) کے مطابق چیف آف ڈیفنس سٹاف و آرمی چیف فیلڈ مارشل سید عاصم منیر نے کرائسٹ چرچ میں کرسمس کی تقریبات میں شرکت کرتے ہوئے مسیحی برادری کو دلی مبارکباد دی۔ اس موقع پر انہوں نے امن، ہم آہنگی اور خوشحالی کے لیے نیک تمناؤں کا اظہار کیا اور قائداعظم محمد علی جناح کو خراج عقیدت پیش کیا۔
آئی ایس پی آر کے مطابق فیلڈ مارشل سید عاصم منیر نے بانی پاکستان کے مساوات، آزادی اور مذہبی رواداری کے وژن کو اجاگر کرتے ہوئے کہا کہ اقلیتوں کے حقوق کا تحفظ پاکستان کے نظریے کی بنیاد ہے۔ انہوں نے قومی ترقی اور سلامتی میں پاکستانی مسیحی برادری کی خدمات کو سراہا اور بین المذاہب ہم آہنگی، باہمی احترام اور اتحاد کی اہمیت پر زور دیا۔
آرمی چیف نے کہا کہ پاکستان کی طاقت مساوی مواقع اور آئین میں درج مشترکہ اقدار میں مضمر ہے، اور یہ ہی ملک کی حقیقی بنیاد ہے۔
