اسحاق ڈار کی بنگلہ دیشی مشیر خارجہ سے ملاقات، دو طرفہ تعلقات کو مزید مضبوط بنانے کے عزم کا اعادہ، 6 معاہدے طے
پاکستانی وفد کی قیادت نائب وزیراعظم و وزیر خارجہ نے کی
نائب وزیراعظم اور وزیرخارجہ سینیٹر اسحاق ڈار نے اپنے دورہ بنگلہ دیش کے مشیر خارجہ سے ملاقات کی ، دونوں رہنماؤں نے باہمی تعلقات مزید مضبوط
بنانے کے عزم کا اعادہ کیا گیا جبکہ اس دوران دونوں ملکوں کے درمیان 6 معاہدے طے پا گئے۔
ڈپٹی وزیراعظم اور وزیر خارجہ سینیٹر محمد اسحاق ڈار نے ڈھاکا میں بنگلا دیش کے مشیر خارجہ امور محمد توحید حسین سے تفصیلی ملاقات کی۔
وزارت خارجہ کی جانب سے سوشل میڈیا یر جاری بیان میں بتایا گیا کہ دونوں فریقین نے دو طرفہ تعلقات کے تمام پہلوؤں پر غور کیا جن میں اعلیٰ سطحی روابط، تجارت و اقتصادی تعاون، عوامی روابط، ثقافتی تبادلے، تعلیم و استعداد کار میں تعاون اور انسانی ہمدردی کے مسائل شامل تھے۔
ملاقات میں سارک کی بحالی، مسئلہ فلسطین اور روہنگیا کے مسئلے کے حل سمیت علاقائی اور بین الاقوامی امور پر بھی تبادلہ کیا گیا۔
پاکستانی وفد کی قیادت نائب وزیراعظم و وزیرِ خارجہ سینیٹر محمد اسحاق ڈار کر رہے ہیں، بنگلہ دیش کی طرف سے وفد کی قیادت ایڈوائزر برائے خارجہ امور محمد توحید حسین کر رہے ہیں۔
مذاکرات میں دوطرفہ تعلقات، اقتصادی و تجارتی تعاون اور علاقائی مسائل پر تفصیلی بات چیت جاری ہے، SAARC کی بحالی اور خطے میں تعاون کے فروغ پر بھی غور کیا جا رہا ہے۔
مذاکرات میں دونوں ممالک کے متعلقہ شعبوں کے اعلیٰ حکام بھی شریک ہیں۔
قبل ازیں نائب وزیر اعظم و وزیر خارجہ اسحاق ڈار نے بنگلا دیش کے مشیر تجارت سے ملاقات کی جس میں دو طرفہ تجارت اور اقتصادی تعاون پر تفصیلی بات چیت کی گئی۔
وزیر خارجہ اسحاق ڈار نے وزیر تجارت جام کمال خان کے ہمراہ آج بنگلا دیش کے مشیر تجارت شیخ بشیر الدین سے ملاقات کی۔
ملاقات میں اعلیٰ حکام اور بنگلا دیشی تجارتی اداروں کے سربراہان بھی شریک ہوئے، گورنر بنگلادیش بینک، ایگزیکٹو چیئرمین بنگلادیش انویسٹمنٹ ڈیویلپمنٹ اتھارٹی، چیئرمین ٹریڈنگ کارپوریشن، چیئرمین سول ایوی ایشن اتھارٹی، ایکٹنگ وائس چیئرمین ایکسپورٹ پروموشن بیورو، بنگلا دیش کے سیکرٹریز کامرس و ایوی ایشن، چیئرمین نیشنل بورڈ آف ریونیو بھی ملاقات میں موجود تھے۔
پاکستان اور بنگلا دیش کے وفود کے درمیان ہونے والی ملاقات میں دو طرفہ تجارت، سرمایہ کاری اور اقتصادی تعاون پر تفصیلی بات چیت کی گئی۔
نائب وزیراعظم و وزیرِ خارجہ اور بنگلہ دیش کے ایڈوائزر برائے خارجہ امور کی نگرانی میں اہم MoUs اور معاہدوں پر دستخط کی تقریب
بعد ازاں نائب وزیراعظم و وزیرِ خارجہ اور بنگلہ دیش کے ایڈوائزر برائے خارجہ امور کی نگرانی میں اہم MoUs اور معاہدوں پر دستخط کی تقریب ہوئی، اس دوران پاکستان اور بنگلہ دیش نے کل 6 اہم معاہدوں اور MoUs پر دستخط کیے۔
جن معاہدوں پر دستخط کیے گئے ان میں سفارتکاروں اور حکومتی اہلکاروں کے لیے ویزا ختم کرنے، دونوں ممالک کی فارن سروس اکیڈمیوں کے درمیان MoU، ایسوسی ایٹڈ پریس آف پاکستان (APP) اور بنگلہ دیش سنگباد سنگستھا (BSS)کے درمیان معاہدہ شامل ہے۔
اس کے علاوہ انسٹیٹیوٹ آف اسٹریٹیجک اسٹڈیز اسلام آباد اور بنگلہ دیش انسٹیٹیوٹ آف انٹرنیشنل اینڈ اسٹریٹیجک اسٹڈیز، ٹریڈ جوائنٹ ورکنگ گروپ کے دوران MoU اور ثقافتی تبادلے کے پروگرام (2025–2028) پر دستخط کیے گئے۔
قبل ازیں نائب وزیراعظم و وزیرِ خارجہ اسحاق ڈار کے دورۂ بنگلا دیش کے دوران دو طرفہ تجارت، سرمایہ کاری اور اقتصادی تعاون پر تفصیلی بات چیت ہوئی۔
ڈھاکا میں نائب وزیراعظم و وزیرِ خارجہ کی اہم تجارتی ملاقات ہوئی جس میں پاکستان کے وزیرِ تجارت بھی شریک تھے۔
نائب وزیراعظم کی ملاقات بنگلہ دیش کے کامرس ایڈوائزر جناب شیخ بشیرالدین سے ملاقات میں اعلیٰ حکام اور بنگلہ دیش کے سرکاری تجارتی اداروں کے سربراہان شریک ہوئے۔
گورنر بنگلا دیش بینک، ایگزیکٹو چیئرمین بنگلا دیش انویسٹمنٹ ڈویلپمنٹ اتھارٹی، چیئرمین ٹریڈنگ کارپوریشن، چیئرمین سول ایوی ایشن اتھارٹی اور ایکٹنگ وائس چیئرمین ایکسپورٹ پروموشن بیورو شریک ہوئے۔
بنگلہ دیش کے سیکرٹیریز کامرس و ایوی ایشن ، چیئرمین نینشل بورڈ آف ریونیو بھی موجود تھے۔
