اداروں کی مشاورت سے اسٹار لنک کو عارضی این او سی جاری کیا گیا، شزا فاطمہ
اسلام اباد: وفاقی وزیر آئی ٹی شزا فاطمہ خواجہ کا کہنا تھا کہ سیکیورٹی اور ریگولیٹری اداروں کی مشاورت سے اسٹار لنک کو عارضی این او سی جاری کیا گیا۔
وفاقی وزیر کا کہنا تھا کہ سائبر کرائم ایجنسی، سیکیورٹی ایجنسیز، پی ٹی اے اور اسپیس اتھارٹی نے کلیدی کردار ادا کیا، پاکستان میں اسٹارلنک کی آمد سے سیٹلائٹ انٹرنیٹ کا باقاعدہ آغاز ہوگا۔
انہوں نے کہا کہ وزیراعظم کی ہدایت پر استار لنک کی رجسٹریشن یقینی بنائی گئی۔
شزا فاطمہ نے کہا وزیرِاعظم کی ہدایت تھی کہ پاکستان میں انٹرنیٹ کا نظام بہتر بنایا جائے، پی ٹی اے اسٹارلنک کی فیس ادائیگی اور دیگر لائسنسنگ ضروریات کو مکمل کرے گا۔
ان کا مزید کہنا تھا کہ سیٹلائٹ انٹرنیٹ کی منظوری پاکستان کے ڈیجٹل مسقتبل کے لئے اہم سنگ میل ہے۔
