کوہلی نے وائٹ بال کرکٹ میں ٹنڈولکر کا سب سے زیادہ رنز کا عالمی ریکارڈ توڑ دیا
سچن ٹنڈولکر کے انٹرنیشنل وائٹ بال کرکٹ میں مجعوعی طور پر 18 ہزار رنز بنتے ہیں۔
بھارتی اسٹار بلے باز ویرات کوہلی نے سابق لیجنڈری کرکٹر سچن ٹنڈولکر کا انٹرنیشنل وائٹ بال کرکٹ میں سب سے زیادہ رنز بنانے کا ورلڈ ریکارڈ توڑ دیا
ممبئی : (مانیٹرنگ ڈسیک) ویرات کوہلی نے ہفتے کو آسٹریلیا کے خلاف سڈنی کرکٹ گراؤنڈ میں تیسرے اور سیریز کے آخری ون ڈے میچ کے دوران 74 رنز کی میچ وننگ اننگز کھیل کر تاریخی سنگِ میل عبور کیا۔
کوہلی انٹرنیشنل وائٹ بال کرکٹ(ون ڈے +ٹی ٹوئنٹی) میں سب سے زیادہ رنز بنانے والے کرکٹر بن گئے ہیں۔
ویرات کوہلی نے 305 ون ڈے انٹرنیشنل میں 14 ہزار 255 اور ٹی ٹوئنٹی انٹرنیشنل میں 125 میچز میں 4188 رنز بنائے ہیں۔
یہ کوہلی کے انٹرنیشنل وائٹ بال کرکٹ میں مجمعوعی طور پر 18 ہزار رنز 443 رنز بنتے ہیں جو کہ دنیا میں کسی بھی بلے باز کی جانب سے سب سے زیادہ رنز ہیں۔
اس سے قبل انٹرنیشنل وائٹ بال کرکٹ میں سب سے زیادہ رنز کا ریکارڈ بھارت کے سابق کپتان سچن ٹنڈولکر کے پاس تھا، جنہوں نے ون ڈے انٹرنیشنل میں 18 ہزار 426 اور واحد ٹی ٹوئنٹی انٹرنیشنل میں 10 رنز بنائے۔
سچن ٹنڈولکر کے انٹرنیشنل وائٹ بال کرکٹ میں مجموعی طور پر 18 ہزار 436 رنز بنتے ہیں۔
اس فہرست میں تیسرا نمبر سری لنکا کے سابق کپتان کمار سنگارا کا ہے جن کے ون ڈے اور ٹی ٹوئنٹی انٹرنیشنل میں مجموعی رنز 15 ہزار 616 ہیں۔
یاد رہے کہ ون ڈے انٹرنیشنل کرکٹ میں سب سے زیادہ رنز بنانے کا عالمی ریکارڈ اب بھی سچن ٹنڈولکر کے پاس ہے جنہوں نے 463 میچوں میں 83۔44 کی اوسط سے 426۔18 رنز بنائے۔
