ڈاکٹر اریج خالد کا ہانیہ عامر کے متعدد کاسمیٹک سرجریز کروانے کا دعویٰ سامنے آ گیا
پاکستانی شوبز انڈسٹری کی ڈمپل کوئین ہانیہ عامر کی خوصورت صورت سے متعلق معروف ڈرما ٹالوجسٹ ڈاکٹر اریج خالد اریج کے دعویٰ نے ایک نیا پنڈورا باکس کھول دیا۔
سوشل میڈیا پر نجی ٹی وی کے مارننگ شو ایک کلپ وائرل ہو رہا ہے جس میں خاتون ڈاکٹر میزبان فضا علی کے ساتھ متعدد پاکستانی اداکاراؤں کی جانب سے کروائی جانے والی بیوٹی اینڈ کاسمیٹکس سرجریز سے متعلق بات کر رہی ہیں۔
مکمل شو کے دوران فضا علی اور خاتون ڈاکٹر نے تقریباً پاکستان کی تمام نامور اداکاراؤں سے متعلق بات کی ہے۔
ان اداکاروں میں سعدیہ امام ، عائشہ خان ، حمیمہ ملک ، علیزے خان ، آئمہ بیگ ، مشی خان ، صبا قمر ، ،مہوش حیات ، حدیقہ کیانی اور ہانیہ عامر شامل ہیں۔
کاسمیٹک سرجن کا ہانیہ عامر سے متعلق دعویٰ کرتے ہوئے کہنا ہے کہ ان کا ڈمپل ’ڈمپل پلاسٹی‘ کا نتیجہ ہے، ہانیہ عامر نے ناصرف گال بلکہ تھوڑی پر بھی فلرز کروا رکھے ہیں، ہانیہ عامر نے اپنی گالوں سمیت آئی بھنوؤں کی شکل بھی تبدیل کروائی ہے۔
کاسمیٹک سرجن کے مطابق ہانیہ عامر بہت خوبصورت اداکارہ ہیں، انہوں نے خود کو بہت بہترین انداز میں رکھا ہوا ہے، ان کی ظاہری خوبصورتی اور صحت کا خیال رکھنا چہرے سے عیاں ہے۔
ڈاکٹر اریج نے کہا کہ ہانیہ عامر پہلے سے ہی بہت گوری اداکارہ ہیں انہوں نے اپنے رنگ سے متعلق تو کوئی سرجری یا انجیکنشنز نہیں لگوائے ہیں مگر دیگر سرجریز کی مدد سے انہوں نے اپنے چہرے کے خدوخال کو ضرور تبدیل کیا ہے ۔
انہوں نے کہا کہ ہانیہ عامر کے گالوں پر پڑنے والے ڈمپل پلاسٹک سرجری کی وجہ سے ہیں، اس کے ساتھ ساتھ ان کے ناک کی سرجری بھی کی گئی ہے، ہانیہ نے ہونٹوں اور ٹھوڑی کی سرجری بھی کرا رکھی ہے۔