پاکستان کو موسمیاتی تبدیلی کا سامنا ، ماحولیاتی انصاف کیلئے سب کو آواز اٹھانا ہوگی، اسحاق ڈار
کشمیر اور فلسطین جیسے زعات سے عالمی امن کو شدید خطرات ہیں،پاکستان پرامن حل کا حامی ہے،کانفرنس سے خطاب
اسلام آباد: نائب وزیراعظم و وزیر خارجہ اسحاق ڈار نے کہا ہے کہ پاکستان کو موسمیاتی تبدیلی کا سامنا ہے ، ماحولیاتی انصاف کیلئے سب کو آواز اٹھانا ہوگی، کشمیر اور فلسطین جیسے غیرحل طلب تنازعات سے عالمی امن کو شدید خطرات ہیں،پاکستان پرامن حل کا حامی ہے ۔
انٹر پارلیمانی اسپیکرز کانفرنس سے خطاب کرتے ہوئے سینیٹر اسحاق ڈار نے کہا کہ پاکستان کا عالمی سطح پر کاربن کے اخراج میں حصہ ایک فیصد سے بھی کم ہے لیکن پاکستان کو ایک بار پھر سیلاب کی ہولناک صورتحال کا سامنا کشمیر اور فلسطین جیسے غیرحل طلب تنازعات سے عالمی امن کو شدید خطرات ہیں،پاکستان نے ہمیشہ ان تنازعات کے پرامن حل پر زور دیا ہے تاکہ دنیا کو ایک پرامن اور مستحکم مستقبل کی جانب لے جایا جا سکے ۔
انہوں نے کہا کہ امن، استحکام اور ترقی کا آپس میں گہرا تعلق ہے، پائیدار علاقائی امن اور استحکام کیلئے مل کر کام کرنے کی ضرورت ہے، پارلیمانی سفارتکاری مذاکرات باہمی احترام اور رابطوں کے فروغ میں اہم کردار ادا کر سکتی ہے، پارلیمانی لیڈرز کے درمیان رابطوں اور تبادلوں کا فروغ وقت کا تقاضا ہے۔
وزیر خارجہ اسحاق ڈار نے کہا کہ عالمی اقتصادی نظام میں بنیادی اصلاحات لانے کی ضرورت ہے، پاکستان کا عالمی سطح پر کاربن کے اخراج میں ایک فیصد سے بھی کم حصہ ہے لیکن پاکستان کو ایک بار پھر سیلاب کی ہولناک صورتحال کا سامنا ہے، سیلاب سے لاکھوں لوگ متاثر ہوئے ہیں۔اسحاق ڈارنے کہا کہ اس وقت ہمیں موسمیاتی تبدیلی جیسے سنگین چیلنجز کا سامنا ہے، ماحولیاتی انصاف کے لیے سب کو مل کر آواز اٹھانا ہو گی۔کانفرنس کے شرکا نے اس موقع پر بین الاقوامی تعاون کے فروغ، ماحولیاتی انصاف اور پارلیمانی روابط کی اہمیت پر زور دیا، اور پاکستان کے مثبت کردار کو سراہا۔
