نیب نے 190 ملین پاؤنڈز سکینڈل میں چئیرمین پی ٹی آئی اور دیگر ملزمان کے خلاف ریفرنس دائر کر دیا
قومی احتساب بیورو (نیب) نے 190 ملین پائونڈز سکینڈل میں چیئرمین پی ٹی آئی اور دیگر ملزمان کے خلاف ریفرنس دائر کر دیا۔احتساب عدالت اسلام آباد میں دائر ریفرنس میں چیئرمین پی ٹی آئی کے علاوہ بشریٰ بی بی، فرح گوگی، شہزاد اکبر اور دیگر شامل ہیں۔
نیب راولپنڈی کی جانب سے دائر ریفرنس میں کل 8 ملزمان کے نام شامل کیے گئے ہیں۔ ڈپٹی پراسیکیوٹر جنرل سردار مظفر عباسی نے تفتیشی افسر میاں عمر ندیم کے ہمراہ ریفرنس دائر کیا۔ احتساب عدالت رجسٹرار آفس نے ریفرنس کی جانچ پڑتال شروع کر دی ہے۔
بشکریہ: اے پی پی
