Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

نواز شریف کی صحت کے لئے آئندہ اڑتالیس گھنٹے تشویشناک

انجکشنز اور سٹیرائیڈز کی وجہ سے نواز شریف کے گردے متاثر ہو رہے ہیں۔ پروفیسر محمود ایاز

لاہور (نیوز پلس)پلیٹ لیٹس میں کمی کی وجہ سے انجیو گرافی نہیں کی جا سکتی، اس لیے مرض بڑھ رہا ہے۔ ڈاکٹروں نے نواز شریف کی صحت کے لئے آئندہ اڑتالیس گھنٹے تشویشناک قرار دیئے۔ پروفیسر محمود ایاز نے کہا ہے پلیٹ لیٹس کے لئے لگائے جانے والے انجکشنز اور سٹیرائیڈز مزید طبی مسائل کھڑے کرنے لگے، انجکشنز اور سٹیرائیڈز کی وجہ سے نواز شریف کے گردے متاثر ہو رہے ہیں۔سابق وزیراعظم میاں نواز شریف کی صحت کی دیکھ بھال کیلئے قائم میڈیکل بورڈ کے سربراہ پروفیسر محمود ایاز نے میڈیا سے غیر رسمی گفتگو کرتے ہوئے بتایا کہ پلیٹ لیٹس میں اضافے کے لئے لگائے جانے والے انجکشنز اور سٹیرائیڈز نواز شریف کے لئے مزید طبی مسائل کھڑے کر رہے ہیں۔ انجکشنز اور سٹیرائیڈز کے باعث نواز شریف کے گردوں پر اثر پڑ رہا ہے۔ڈاکٹر محمودایاز کہ نواز شریف کے گردوں کے ٹیسٹ کروائے گئے جن کی رپورٹس تسلی بخش نہیں آئیں۔ دل کی بیماری کے باعث دی جانے والی ادویات پلیٹ لیٹس پر اثر انداز ہو رہی ہیں۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More