(ن)لیگ والے خورشید شاہ کو میٹر ریڈر کا طعنہ دیتے تھے۔مراد سعید

اسلام آباد(نیوز پلس) وفاقی وزیر مراد سعید کا کہنا تھا کہ پکوڑے اور فالودے والے سامنے آ رہے ہیں،مسلم لیگ والے آصف زرداری کو گھسیٹنے کی باتیں کرتے تھے، یہی لوگ تھے جو خورشیدشاہ کو میٹر ریڈر کا طعنہ دیتے تھے۔انہوں نے قومی اسمبلی میں اظہار خیال کرتے ہوئے کہا آج جب ایوان میں داخل ہوا تو اپوزیشن کو کالی پٹیاں پہنے دیکھی، خوشی ہوئی دیر سے ہی سہی مگر اپوزیشن نے آج مسئلہ کشمیر پر کالی پٹیاں تو پہنی، بعد میں پتا چلا اپوزیشن کشمیر سے اظہار یکجہتی نہیں کر رہی بلکہ اپنا رونا رو رہی ہے، پورا ایوان کشمیری بھائیوں کیساتھ کھڑی ہے، ان کا کہنا تھا کہ بلاول بھٹو کبھی سندھودیس کی بات کرتے ہیں اور کبھی سرائیکی دیس کی۔وفا قی وزیر مراد سعید نے مزید کہا کہ اس وقت پورا کشمیر ایوان کی طرف دیکھ رہا ہے، آج بھارت کا ہندوتوا نظریہ بے نقاب کر دیاہے پاکستان کا بیانہ پوری دنیا میں پہنچ رہا ہے، آج دنیا کا میڈیا پاکستان کی آواز پہنچا رہا ہے، کشمیری جب دیکھتے ہیں کہ آپ ایوان میں اپنا رونا رو رہے تو انہیں دکھ ہوتا ہے۔