معرکہ حق کے شہداء اور غازیوں کو خراج تحسین پیش کرنے کے لئے نیا نغمہ جاری
نغمے کے ‘ میں اپنا وعدہ نبھا رہا ہوں’ ہیں ، سوشل میڈیا پر دھوم
پاک فوج کے شعئبہ تعلقات عامہ نے معرکہ حق میں وطن کے لئے جانوں کا نذرانہ پیش کرنے والے شہداء اور غازیوں کے اعزاز میں نیا گانا ” میں اپنا وعدہ نبھا رہا ہوں ” ریلیز کر دیا۔
پاکستان کی بھارت کیخلاف جنگ میں شاندار فتح اور معرکہ حق میں وطن کیلئے جانوں کا نذرانہ دینے والے شہداء اور غازیوں کے اعزاز میں آئی ایس پی آر نے شاندار نغمہ ’’ میں اپنا وعدہ نبھا رہا ہوں‘‘ ریلیز کر دیا۔
نغمہ کے دل سوز اشعار اور گلوکاروں کی سحر انگیز آوازوں نے سماں باندھ دیا، نغمہ میں افواجِ پاکستان اور شہریوں کی قیمتی قربانیوں کو زبردست انداز میں خراجِ تحسین پیش کیا گیا۔
فیلڈ مارشل جنرل سید عاصم منیر نے شہدائے معرکہ حق کو سر کا ھگومر قرار دیا اور کہا کہ یہ انہی شہداء و غازیوں کی قربانیوں کا ثمر ہے کہ اللہ نے اس سرزمین پاک کو فتح و کامرانی سے سرفراز فرمایا۔
آئی ایس پی آر کے مطابق نغمہ نے 1965ء کے اُس جنگی ماحول کی یاد کو دوبارہ تازہ کردیا جب پوری قوم نے مل کر افواجِ پاکستان کا ساتھ دیا اور بھارت کو دھول چٹائی تھی۔
پاک فوج کے شعبہ تعلقات عامہ کے مطابق بھارت یہ جان لے کہ رات کی تاریکی میں چھپ کر بزدل فوجیں وار کیا کرتی ہیں جبکہ بہادر قومیں اور انکی افواج بتاکر میدانِ جنگ میں اترتی ہیں۔
آئی ایس پی آر کے نئے نغمے نے آتے ہی سوشل میڈیا پر دھوم مچا دی اور ٹاپ ٹرینڈ میں شامل ہو گیا۔
