ساری زندگی جیل میں رکھ لیں نہیں جھکوں گا ، پارٹی بڑی تحریک کی تیاری کرے، عمران خان
جو بھی ٹارچر کر لیں غلامی تسلیم نہیں کروں گا
راولپنڈی: بانی پی ٹی آئی عمران خان نے کہا ہے کہ ساری زندگی جیل میں رکھ لیں نہیں جھکوں گا ، جو بھی ٹراچر کر لیں ٖلامی تسلیم نہیں کروں گا، پارٹی بڑی تحریک کی تیاری کرے۔
ان باتوں کا اظہار عمران خان کی بہن علیمہ خان نے اپنے بھائی سے ملاقات کے بعد اڈیالہ جیل کے باہر میڈیا سے گفتگو کرتے ہوئے کہی جس میں انہوں نے میڈیا کو عمران خان کا پیغام پہنچایا۔
علیمہ خان نے میڈیا کو بتایا کہ آج بانی پی ٹی آئی عمران خان نے تین نکاتی پوائنٹس بھیجے ہیں، عمران خان نے کہا ہے کہ عام قیدی کے جو حقوق ہیں وہ بھی انہیں نہیں دئیے جارہے، 8 ماہ میں صرف ایک بار بچوں سے بات کرائی گئی ، میری بہنوں سے ملاقات نہیں کراتے۔
علیمہ خان نے کہا کہ ہم اپنے بھائی کو کتابیں پہنچانے کی کوشش کرتے ہیں لیکن جیل انتظامیہ کتابیں روک لیتی ہیں بانی کے ذاتی ڈاکٹرز سے چیک اَپ نہیں کرایا جارہا، توہین عدالت کی درخواستوں پر ججز کا حکم نہیں مانتے، عمران خان نے ییغام دیا ہے کہ جو بھی فرعونیت یا یزدیت کا نظام ہے جو بھی ٹارچر کرلیں میں غلامی تسلیم نہیں کروں گا۔
علیمہ خان نے بتیا کہ عمران خان نے کہا کہ بشریٰ بی بی کو مجھ پر دباؤ ڈالنے کے لئے جیل میں رکھا گیا ساری زندگی جیل میں بھی رکھ لیں نہیں جھکوں گا۔
علیمہ خان کے مطابق عمران خان نے پارٹی کے لیے پیغام بھیجا ہے کہ یہ نظرئیے کی جماعت ہے بانی کے علاوہ بہت سے نوجوان جیل کاٹ رہے ہیں یہ الیکٹیبلز کی پارٹی نہیں ہے، یہ ہمیں نظرئیے کا ووٹ ملا ہے، میں نے سب پر نظر رکھی ہوئی ہے جو بھی اس نظرئیے کے ساتھ نہیں ہے ان کی پارٹی میں کوئی جگہ نہیں ہے، جو ووکٹ کے دونوں جانب کھیل رہے ہیں ان کی بھی پارٹی میں کوئی جگہ نہیں ہے۔
علیمہ خان نے کہا کہ یہ باتیں کرتے وقت وہ غصے میں تھے اب ججز کا حال دیکھیں القادر کا کیس تین مہینے سے نہیں لگ رہا، 9 مئی اور دیگر ضمانتوں کے کیس بھی ہیں، ججز نے زبان دی کہ کیس لگادیں گے لیکن انہوں نے نہیں لگائے،
علیمہ خان نے کہا کہ ہم فیملی کے لوگ کل ہائی کورٹ جائیں گے ہم کہہ رہے ہیں ججز کو سپورٹ کریں گے، کل تمام ممبران اسمبلی پنجاب کے لاہور ہائی کورٹ جائیں گے اور یہاں تمام ایم این ایز اور پشاور کے ایم پی ایز ادھر اسلام آباد ہائی کورٹ آئیں گے اور ہم ججز کو سپورٹ کریں گے۔
علیمہ خان کا کہنا تھا کہ یوٹیوبر کہتے ہیں بانی باہر نکلنے والے ہیں امریکن آ گئے اب سمجھ آ رہی ہے کہ عوام کا ٹیمیپریچر ٹھنڈا رکھنے کے لئے ایسے وی لاگ بنائے جاتے ہیں۔
