Newspulse - نیوز پلس
پاکستان، سیاست، کھیل، بزنس، تفریح، تعلیم، صحت، طرز زندگی ... کے بارے میں تازہ ترین خبریں

جھوٹے گواہوں نے نظام عدل خرا ب کیاانکے خلاف قانون کے مطابق کارروائی کی جائے گی۔چیف جسٹس آصف سعید کھوسہ

سرگودھا(نیوز پلس) چیف جسٹس آصف سعید کھوسہ نے کہا کہ جھوٹے گواہوں نے نظام عدل کو خراب کر دیا ہے، جھوٹے گواہوں کے خلاف قانون کے مطابق کارروائی کی جائے گی۔تفصیلات کے مطابق ڈسٹرکٹ سرگودھا میں قتل کیس کی سماعت کے دوران چیف جسٹس آ ف پاکستان جسٹس آصف سعید کھوسہ نے اپنے ریمارکس میں کہا کہ جھوٹے گواہوں نے نظام عدل کو خراب کر دیا ہے، قانون میں قتل کے مقدمے میں اس عمل کی سزا عمر قید ہے لہٰذا جھوٹے گواہوں کے خلاف قانون کے مطابق کارروائی کی جائے گی۔کیس کی سماعت کے دوران دئیے گئے ریمارکس میں چیف جسٹس نے کہا کہ جھوٹے گواہان نے عدالت کو گمراہ کیا ہے، دونوں گواہان موقع پر موجود نہیں تھے مگر انہوں نے خود سے کہانی بنا کر پیش کی۔بعد ازاں عدالت نے جھوٹی گواہی کی بنا پر ظفر عباس اور مقصود حسین کو اکتوبر اکتوبر کو طلب کر لیا ہے اور احکامات جاری کیے کہ ڈسٹرکٹ پولیس افسر سرگودھا دونوں گواہوں کے ساتھ مقررہ تاریخ پر سپریم کورٹ میں پیش ہوں۔اسی عدالت نے جھوٹی گوہی کی بنا پر ہائیکورٹ کا فیصلہ کالعدم قرار دیتے ہوئے ذوالفقار حسین شاہ کو بری کیا، ٹرائل کورٹ نے ذوالفقار حسین شاہ کو سزائے موت سنائی تھی جب کہ جعفر شاہ کو بری کر دیا گیا تھا۔

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More