دوبئی(نیوز پلس) انٹرنیشنل کرکٹ کونسل نے بھارت اور آسٹریلیا کی ون ڈے سیریز کے بعد نئی رینکنگ جاری کردی ہے، بیٹنگ میں بھارتی بیٹسمین ویرات کوہلی پہلے جبکہ پاکستانی مایہ ناز بلے باز بابر اعظم تیسرے نمبر پر موجود ہیں۔ انٹرنیشنل کرکٹ کونسل (آئی سی سی) کی جانب سے ون ڈے کی بیٹنگ اور بولنگ رینکنگ جاری کردی گئی ہے،
دونوں ہی شعبوں میں بھارتی کھلاڑی پہلی پوزیشن پر براجمان ہیں،بیٹسمینوں میں بھارتی بلے باز ویرات کوہلی پہلی اور روہت شرما دوسری پوزیشن پر ہیں جبکہ پاکستان کے بابر اعظم کا تیسرا نمبر ہے۔
بولنگ رینکنگ میں پہلے نمبر پر بھارت کے فاسٹ بولر جسپرت بھمرا موجود ہیں جبکہ پاکستان کے بولر محمد عامر کا ساتواں نمبر ہے۔بلے بازوں کی رینکنگ میں آسٹریلوی کھلاڑیوں کی پوزیشن میں بہتری آئی ہے جس کے بعد ڈیوڈ وارنر کا چھٹا اور ایرون فنچ نے دسواں نمبر حاصل کیا ہے۔
