اسلام آ باد ہائی کورٹ نے طبعی بنیادوں پر آصف زرداری کی ضمانت منظور کر لی

اسلام آ باد (نیوز پلس) اسلام آ باد ہائی کورٹ نے پاکستان پیپلز پارٹی کے شریک چیئرمین سابق صدر آصف زرداری کو طبعی بنیادوں پر درخاوست ضمانت مں منظور کر لی۔آصف زرداری کوایک کروڑ روپے ضمانتی مچلکے جمع کرانے کی ہدایت۔ تفصیلا ت کے مطابق آصف زردای اور فریال تالپور کے جعلی اکاوٗنٹس کیس میں ضمانت کی درخواستوں پر سماعت ہوئی۔چیف جسٹس اسلام ہائی کورٹ جسٹس اطہر من اللہ اور جسٹس عامر فاروق پر مشتمل دو رکنی اسپیشل بینچ نے درخواست ضمانت پر سماعت کی۔اس موقع پرفاروق ایچ نائیک نے عدالت میں کہا کہ آصف علی زرداری مختلف قسم کی بیماریوں کا شکار ہیں، انہیں 24 گھنٹے طبی امداد کی ضرورت ہوتی ہے۔ عدالت طبی حالات کی سنگینی کے پیش نظر درخواست ضمانت منظور کرے۔معززعدالت نے پمز کے میڈیکل بورڈ سے سابق صدر کی نئی طبی رپورٹ طلب کی تھی۔ رپورٹس کے مطابق آصف زرداری کو مختلف بیماریاں لاحق ہیں، رپورٹ میں بورڈ میں شامل 5 ڈاکٹرز کے نام بھی بتائے گئے۔
میڈیکل رپورٹ میں بتایا گیا کہ ملزم آصف علی زرداری طویل عرصہ سے شوگر کا مریض ہے، 3 سٹنٹ بھی ڈلے ہوئے ہیں۔رپورٹ دیکھنے کے بعد چیف جسٹس اطہر من اللہ نے نیب پراسیکیوٹر سے دریافت کیا کہ آپ نے آصف زرداری کی میڈیکل رپورٹ دیکھی؟ چیف جسٹس نے انہیں ہدایت دی کہ آپ میڈیکل رپورٹ زور سے پڑھیں جس کے بعد نیب پراسیکیوٹر جنرل جہانزیب بھروانہ نے میڈیکل رپورٹ پڑھ کر سنائی۔چیف جسٹس نے کہا کہ اس رپورٹ کے بعد آپ کیا کہیں گے، کیا آپ اب بھی ان سے تفتیش کر رہے ہیں؟ نیب پراسیکیوٹر نے کہا کہ ان کے خلاف ریفرنس دائر ہو چکا ہے۔بعد ازاں عدالت نے طبی بنیادوں پر آصف زرداری کی درخواست ضمانت منظور کرلی اور 1، 1 کروڑ روپے کے 2 ضمانتی مچلکے جمع کروانے کا حکم دیا۔ عدالت نے فریال تالپور کی درخواست ضمانت پر سماعت 17 دسمبر تک ملتوی کردی۔